fbpx
ი.ჭავჭავაძის გამზირი 21, II ჩიხი, კორპუსი 4/8 +995 599 404 185 info@cp2020.ge

2020 წლის 1 სექტემბრამდე გაკეთებული პოლიტიკური შემოწირულობების თითქმის 55% მმართველ პარტიაზე მოდის, რაც უთანასწორო საარჩევნო გარემოზე მიუთითებს,- აღნიშნულია „სამოქალაქო პლატფორმა 20/20“-ის კვლევაში, რომელიც ორგანიზაციამ პოლიტიკური პარტიების შემოსავლების ანალიზის შედეგად მოამზადა.

კვლევის მთავარ მიმართულებას წარმოადგენდა ფიზიკური და იურიდიული პირების გამოვლენა, რომელიც ახორციელებენ პოლიტიკური პარტიებისთვის შემოწირულობებს და ასევე სხვადასხვა სახით დაკავშირებული არიან სახელმწიფო რესურსებთან, ტენდერებისა და ხელშეკრულების მიღების გზით.

კვლევის შედეგად გაირკვა, რომ 2020 წლის 1 სექტემბრამდე პოლიტიკურ პარტიებს მიღებული აქვთ 10 855 638.93 ლარის შემოწირულობა, საიდანაც 5 924 396.5 ლარის ოდენობის შემოწირულობა (54,6%) სახელისუფლებო პარტია „ქართული ოცნება-დემოკრატიული საქართველო“-ზე მოდის. სულ შემოწირულობა მიღებული აქვს 24 პოლიტიკურ პარტიას, თუმცა შემოწირულობების მხოლოდ 30% მოდის 22 პარტიაზე.

დისპროპორციულადაა გადანაწილებული შემოწირულობების ოდენობა ფიზიკურ და იურიდიულ პირებს შორის. შემოწირულობების მხოლოდ 2,7% მოდის იურიდიულ პირებზე. შემოწირულობების  97.3%  კი განხორციელებულია ფიზიკური პირების მიერ.

აღსანიშნავია, რომ 2020 წელს სახელისუფლებო პარტიას „ქართული ოცნება-დემოკრატიული საქართველო“  არ ჰყავს შემომწირველი იურიდიული პირი, მიუხედავად იმისა, რომ ის ყველაზე მეტ შემოწირულობას იღებს ჯამურად. აღნიშნული ტენდენცია შესაძლოა აიხსნას მხოლოდ ორი ფაქტორით. კერძოდ, ადამიანებს, რომლებიც განკარგავენ იურიდიული პირების ფინანსურ რესურსებს, ურჩევნიათ შემოწირულობა გააკეთონ ანონიმურად, რადგან ეშინიათ, რომ რომელიმე ოპოზიციური პარტიის დაფინანსების შემთხვევაში მათ ბიზნესებზე, მაკონტროლებლების მხრიდან, განხორციელდება დევნა. ამიტომაც, ამგვარი იურიდიული პირების წარმომადგენლები პარტიების სასარგებლოდ შემოწირულობებს აკეთებენ  სხვა მოქალაქეების დახმარებით;

ასევე, სახელისუფლებო პარტიის შემომწირველი იურიდიული პირების წარმომადგენლები ერიდებიან საკუთარი კომპანიის სახელის შემომწირველთა სიაში დაფიქსირებას, რათა არ გაჩნდეს დამატებითი კითხვები სახელმწიფოსგან მიღებული სარგებლის შესახებ, რომლებსაც არსებული იურიდიული პირები, შესაძლოა, იღებდნენ სახელმწიფო რესურსით, ტენდერისა თუ სხვა ტიპის კონტრაქტების მიღების სანაცვლოდ.

აღნიშნული გარემოებებიდან გამომდინარე, „სამოქალაქო პლატფორმა 20/20“-ის ანალიტიკოსთა ჯგუფმა შეისწავლა შემომწირველი ფიზიკური პირები და მათი კავშირები იმ იურიდიულ პირებთან, რომელსაც სახელმწიფოსთან, მოგებული ტენდერების გზით,  გაფორმებული აქვთ კონტარქტები. შესწავლის შედეგად გაირკვა, რომ მსხვილი შემომწირველი ფიზიკური პირები, რომელიც ეწევიან ეკონომიკურ საქმიანობას და სარგებელს იღებენ სახელმწიფო ტენდერებითა და კონტრაქტებით, შემოწირულობას აკეთებენ, ძირითადად, პოლიტიკური პარტია „ქართული ოცნება-დემოკრატიული საქართველო“-ს სასარგებლოდ.

გასათვალისწინებელია, რომ ჩვენს მიერ მოძიებულია ამგვარი კომპანიების ტენდერებში მონაწილეობისა და სახელმწიფო კონტრაქტების მოგების მონაცემები, საიდანაც დადგინდა, რომ სახელმწიფო ტენდერებს, საკმაოდ მაღალი პროცენტულობით, უმეტესად ამგვარი კომპანიები იგებენ, ან მათთან გამარტივებული წესით ხდება სახელმწიფო კონტრაქტების გაფორმება.

კვლევამ აჩვენა კიდევ ერთი გარემოება. მოცემული კომპანიების აბსოლუტური უმრავლესობა პოლიტიკური პარტია „ქართული ოცნება-დემოკრატიული საქართველო“-ს შემომწირველია არამარტო 2020 წელს, არამედ წინა წლებშიც. შესაბამისად, სახელმწიფო ტენდერებითა და კონტრაქტებით სარგებლობის სანაცვლოდ სახელისუფლებო პარტიის სასარგებლოდ შემოწირულობების გაკეთება, ამ კომპანიების წარმომადგენლების მიერ, სისტემატურად ხდება.

უნდა ვივარაუდოთ, რომ მოცემულ კომპანიებთან დაკავშირებული პირების სია, რომლებიც აკეთებენ შემოწირულობებს პოლიტიკური პარტია „ქართული ოცნება-დემოკრატიული საქართველო“-ს  სასარგებლოდ, გაცილებით დიდია, თუმცა დოკუმენტური გზით შეუძლებელია ამ პირების კომპანიებთან დაკავშირება.

„სამოქალაქო პლატფორმა 20/20“-ის კვლევამ გამოავლინა იურიდიული პირები, რომლებთან დაკავშირებული ფიზიკური პირები შემოწირულობებს „ქართული ოცნება-დემოკრატიული საქართველო“-ს სასარგებლოდ აკეთებენ. კერძოდ, მმართველი პარტიის სასარგებლოდ შემოწირულობები აქვთ გაკეთებული  კომპანია RMG GOLD-თან,  კომპანია “PACE GEORGIA-თან, კომპანია „პოლიმერთან“, კომპანია „ბომბორა და ბავშვები“-თან დაკავშირებულ 25 ფიზიკურ პირს.

მისასალმებელი იქნება, აუდიტის სამსახურმა დეტალურად შეისწავლოს ანგარიშში მითითებული კომპანიების პროექტები, რომელიც უკავშირდება მოცემული კომპანიების საქმიანობას სახელმწიფო ტენდერებსა და კონტრაქტებს.

იხილეთ კვლევა სრულად

ნოემბერი 2021
1234567
891011121314
15161718192021
22232425262728
2930  

სოციალური ქსელები

პუბლიკაციები

კვლევა ფიზიკური და იურიდიული პირებისგან პარტიებითვის გაკეთებული შემოწირულობების შესახებ

ვრცლად

კვლევა ფიზიკური და იურიდიული პირებისგან პარტიებითვის გაკეთებული შემოწირულობების შესახებ

ვრცლად

do you have any questions

Need Explore Solution For Business Growth & Marketing Purpose